Gärn schteue mir üs uf dere Site vor u mache Öich hoffentlech gluschtig bi üs inedsluege. Fasset es paar Idrück vo üsne Rüm und üsem Agebot. Weme ide Ämmitaler Höger ungerwägs isch u viu Wasser verlürt biete mir e guet bedienti Tankschteu für jedes Gusto, zwar nid immer aber wenn, de sehr gärn! D'Bewirtigszyte gseht dir unger Kontakt oder ganz unge uf der Site, um üs ds finge hets e Plan u wes doch nid söt klappe heimer ou es Telefon.
Öpper mit Velo-, Töff- oder angere Hose schreckt üs nid ab. Ou dene biete mir e offni Tür fürne Sterchig u d'Erholig vom Chrampf. O ir Gruppe, sigs e Teamusflug, e Geburifyr oder süsch e Alass, mir begrüesse ou e grösseri Tschuppele. Machet es Reisli zrugg ir Zyt u Dir wüsset wär früecher hie het gwirtet.
Viu Vergnüege bim Schnöigge...