Bike Land «Chautacher»

Bisch Du scho mau mit em Bärgvelo bi üs gsi? We Du gärn Absits vom Strasseverchehr, ide schöne Ämmitaler Höger mit em Velo ungerwägs bisch, chunnsch nid um ds Bike Land Chautacher ume!

Uf üsere Charte fingsch es paar churzi Rute mitemne gnaue Beschrieb.
Uftue, usdrucke und Losfahre!

Mir wünsche viu Schpass

Appetizer/Outdoor Spass

Weit Dir vor, zwüsche oder nach em Ässe no e chli Bewegig?
Mit üsem Outdoor-Partner Eiger Vision finge mir sicher es attraktivs Programm spezieu für Öich komponiert.

Hie e chline Iblick i üses Rezäptbuech:

Bodeständigi Choscht

Schwingfescht, chäse, Züpfe u Merängge bache, Viehschou, Buremale...

Scharfi Choscht

Skulpture schweisse, Ufgabe im Team löse, Wettkämpfli gägenang mache, Fisch änd Däin, Teibel-Däns...

Gsundi Choscht

Wandere u choche, Bäike, Trottibäike...

Müstischi Choscht

Mondschinässe, Sunneufgangszmorge, gschpüre vo Chraftplätz u uftanke, Ämmitaler Gschichte lose...

Für witeri Uskünft chöit Dir Öich a Wirt u Wirti wände oder diräkt bir Barbara Hofer
Eiger Vision GmbH, Grindelwald, 033 853 55 66, info at eigervision.ch