Grüessech mitenang im Hirsche Kaltacker!
Gärn schteue mir üs uf dere Site vor u mache Öich hoffentlech gluschtig bi üs inedsluege. Fasset es paar Idrück vo üsne Rüm und üsem Agebot. Weme ide Ämmitaler Höger ungerwägs isch u viu Wasser verlürt biete mir e guet bedienti Tankschteu für jedes Gusto, , zwar nid immer aber wenn, de sehr gärn! D'Bewirtigszyte gseht dir unger Kontakt, für üs ds finge hets e Plan u wes doch nid söt klappe heimer ou es Telefon. Öpper mit Velo-, Töff- oder angere Hose schreckt üs nid ab. Ou dene biete mir e offni Tür fürne Sterchig u d'Erholig vom Chrampf. O ir Gruppe, sigs e Teamusflug oder e Klassezämekunft, mir begrüesse ou e grösseri Tschuppele.
Machet es Reisli zrugg ir Zyt u Dir wüsset wär früecher hie het gwirtet.
Viu Vergnüege bim Blettere u Schnöigge...
Bärg-Chronik
21. 05. 2013
Verusse no ke Früehlig, uf em Täuer aber scho es Cherli.
13. 05. 2013
Chillen i dr Lounge,
inkl. WLAN
07. 05. 2013
Dr Räge het Deko häre gschwemmmt.
Bild uf Gsichtsbuch
30. 04. 2013
Hirsche nöi uf em Gsichtsbuch(Facebook), Link obe rächts